NAGA CITY– Nagpaparahay pa ngunian an apat katao na nairidu makalihis sumalpok an sarong truck sa kasabatan na pampasaherong bus sa banwaan kan Libmanan, Camarines Sur.
Binisto an mga biktima na sinda Michael Olea, 32; Michael Mendez, 26; Bryan Castillo, 29 asin si Neriza Ancero, 18.
Sa entrevista kan Bombo Radyo Naga ki P/Supt. Jefferson Araojo, Chief of Police (COP) kan Libmanan-PNP; sinaysay kaini na mantang pigbabagtas kan truck na minamaneho ni Olea an kalabaan kan tinampo sa nasambitan ng lugar na pasiring kuta na sa Metro Manila para ideliver an mga karga kaining foam kan biglang makabangga sa kasabatan na bus na minamaneho naman ni Samuel Alogbate, 41-anyos.
Huli sa kusog kan pagkakabangga, nagsapo nin lugad sa manlaen laen na parte kan saiyang lawas an driver kan truck kaibanan an duwang pahinante kaini na sinda Mendez asin Castillo mantang nadamay man an sarong pasahero kan bus na si Ancero na tulos man na idinalagan sa ospital.
