Padagos na tumitindi an operasyon asin man presensya kan Israeli forces sa Gaza na lalong nagpapaluya sa sistemang pangsalud, kasabay kan mahewasang sapiritang pag iibakwar kan mga tao asin man matinding kakulangan sa pagkakan, tubig, bulong, gasolina, asin man istaran.
Apat na mayor na ospital sa Gaza ang nag untok sa operasyon kan nakalihis na semana huli man sa pagigin harani ninda sa mga lugar kan labanan, mantang may nairehistrong 28 pag-atake sa mga health facilities sa panahong ini.
Pinagkakarkulong nasa 19 na ospital na sana sa Gaza Strip an nagtitinir na bukas, alagad hikahos huli man sa kakulangan sa supply, kawaran kan bastante na obrero asin man padagos na huma sa seguridad, mantang 94% kan mga ospital sa lugar an nadanyaran o nawasak.
An mga bagong sugo nin pag ibakwar ay posibleng magkawsa nin tulos man na pagkawara nin labi pang pasilidad pangsalud, orog na sa hilaga asin man timog Gaza, kun saen kadakol man na ospital asin sentro kan pag aataman an nasa laog o harani sa mga apektadong lugar.
Padagos kaya na pinag uulangan an mga labanan asin presensyang militar an pag-access kan mga pasyente sa pangangalagang medikal, pati na man an kakayahan kan WHO asin iba pang organisasyon na liwat magtao nin uplay sa mga ospital.
Kaya man, nangapudan an WHO para sa proteksyon sa pang atamang salud asin an tulos na pagpapa-iral kan untok-putukan.
