NAGA CITY- Lugad an sinapo kan apat na persona makalihis mabudalan kan sarong bus sa Maharlika Highway, Brgy. San Francisco, Baao, Camarines Sur.
Sa nakuang impormasyon kan Bombo Radyo Naga, pigbababaybay kan sarong bus na pigmamaneho ni Allan Nuyt, 32-anyos an kalabaan kan nasambitan na tinampo kan mag overtake ini sa sarong behikulo alagad nawaraan ini nin control na kawsa kan pagkaka arado kan apat na persona na sinda Rodrigo Rifarael, 56-anyos; Vicente Billones, 60-anyos; Trisha Billones, asin Janine Billones na yaon sa gilid kan tinampo.
Tulos na pigdalagan sa ospital an mga nasambitan na mga persona mantang boluntad na nagsuko an driver sa mga otoridad.
Sa ngunyan, nasa kustodiya na kan mga otoridad an nasambitan na drayber para sa maninigong disposisyon.
