Nag-atendir na sa pagdangog kan House Blue Ribbon Committee an apat na opisyal kan Office of the Vice President (OVP) na pinatawan nin contempt asin pina-aarestrar huli sa dae pag-atendir sa pagdangog maski pa pirang beses ng pig-imbetaran.
An apat na opisyal, pinagtutubodang nasa inner circle ni Vice President Sara Duterte. Ini an sinda Gina Acosta, Lemuel Ortonio asin an mag-agom na sinda Edward asin Sunshine Fajarda.
Enot ng pighayag ni Manila Rep. Joel Chua na iyong chairman kan panel na nagpamate an apat na opisyal na nag-atendir sa pagdangog kan komite. Nagtutubod an Komite na dapat magpaliwanag an apat na opisyal kun pano ginastos an P612-Million na confidential funds.
