NAGA CITY- Nasa marhay na kamugtakan an apat na lunad nin sarong SUV makalihis na magbaliktad ini sa banwaan nin Bombon, Camarines Sur.
Sa nagunong impormasyon kan Bombo Radyo Naga, napag-araman na binabagtas kan SUV na minamaneho ni Abegail Naval, 37-anyos an kalabaan kan National Highway sa Barangay San Roque asin pasiring kuta na sa banwaan nin Calabanga kan aksidente an mga ining nakabangga sa road reblocking signage asin sa sarong construction cart sa nasambitang lugar.
Basado sa imbestigasyon kan PNP Bombon, nakaturog suboot si Naval mantang nagmamaneho rason para mawaran ini nin kontrol asin dagos na nagbaliktad an saindang bihikulo.
Nagsapo nin lugad sa saindang lawas an driver kan SUV siring man an tolong mga pasahero kaini na sinda Marian Naval, 35-anyos; Jean Claudine Bilasano, 30-anyos asin si Elsie Folleros, 24-anyos na tulos na pigdalagan sa ospital para maipabulong.
Sa ngonyan, padagos pa an ginigibong imbestigasyon kan PNP Bombon katakod kan pangyayari.
