46 indibidwal, gadan sa makusog na pag-uran sa Pakistan

Nagpakol na sa 46 katawo an nagadan huli sa padgaos na makusog na pag-uran sa Pakistan.

Haros sarong semana na an makusog na pag-uran kun saen kadakol nin mga residente an nalugadan.

Kadaklan sa mga binawian nin buhay an sa Khyber Pakhtunkhwa province mantang kadakol man nin residente an pinaebakwar huli sa paglangkaw kan tubig.

Kadakol nin namamanwaan man kan Pakistan an nagrereklamo huli sa haloy na responde kan gobyerno.

Pigpatanidan pa kan National Disaster Management Authority an mga residente na harani sa salog na mag-ebakwar na huli sa delikadong kamugtakan.