47 gadan sa linog sa Indonesia

Nagpakol na sa 47 indibidwal an numero kan mga binawian nin buhay huli sa pagtama kan magnitude 7.7 na linog sa Indonesia.

Sigun sa National Disaster Management Agency o BNPB, linalaoman na madudugangan pa an numero kan mga nagadan, orog na ta kadakul pa an mga nadanyaran sa insidente.

Kadakul man na mga gusali an nagkaigwa nin matinding danyos huli sa nasabing linog.

Sinundan an nasabing pagyanig nin magnitude 6.1 na aftershock.

May mga residente man sa lugar kun sain nangyari an linog na pinaebakwar kan mga awtoridad bilang pag-iingat.

Padagos pa man an paghahalughog kan mga opisyal sa mga gusaling nadanyaran tanganing mahanap an mga natalbungan huli sa linog.