Kamawotan kan gobierno na amyendahan an ley sa Pantawid Pamilyang Pilipino Program o 4Ps.
Sa ikaapat na State of the Nation Address ni Presidente Ferdinand Marcos Jr., pigbida kan Presidente an labi limang milyong kaharongan na nakareseber na nin benepisyo sa conditional cash transfer program kan 4Ps.
Sigun ki Presidente Marcos, haros 1.5 milyong mga Pilipino na an nagmarhay an buhay asin naka-graduate na sa 4Ps sa nakalihis na tolong taon.
Kaya man, nangapudan an Presidente sa mga lokal na gobierno na hanapon pa an mga residente na kaipuhan na ilaog sa 4Ps asin mga programa kan Department of Social Welfare and Development (DSWD).
Mientrastanto, pag-abot man nin 2027 target na maabot kan feeding program kan DSWD an nasa 750,000 kaharongan sa bilog na nasyon.
Papadakulon an masustansyang pagkakan asin gatas kan mga aking Pilipino sa paagi kan dugang na sarong bilyong pisong pondo.
