Pigkumpirmar ni House Secretary General Reginald Velasco na igwa sindang piglalaoman na masunad kan ika-apat na impeachment complaint kontra ki Vice President Sara Duterte.
Sa sarong mensahe pigsaysay ni Velasco na igwa nin nagkapirang miyembro kan Kamara an naghaad nin extension nin huli ta saindang pag-aadalan na magsunad nin saro pang complaint.
Segun ki House Secretary General, nasa 10 hasta 12 miyembro kan House of Representatives gikan sa majority asin minority blocs an nagsabi na plano nindang magsunad nin ika-apat na impeachment complaint.
Nagsayuma man si Velasco na pangaranan an mga nasambitan ng Kongresista.
Sinabi ni Velasco enkaso na magsunad nin ika-apat na impeachment complaint sa Lunes, January 7, 2025 saiya ining ire-refer ki Speaker Martin Romualdez o saiyang i-delay.
Dugang pa ni Velasco an ika-apat na complaint an saiyang i-refer man sa Legal Department kan Kamara para sa saindang pag-aadal.
Sa ngunyan igwa nin tulong impeachment complaint an naisunad sa Kamara laban ki VP Sara.
