Lalaoman na sasabaton kan ika-apat na reklamong impeachment si Vice President Sara Duterte sa ikaduwang semana kan Enero kan taong 2025 sa pagbabalik liwat kan sesyon kan Kongreso makalihis an bakasyon kan kapaskuhan.
Segun ki House Deputy Minority Leader France Castro, an tulong impeachment na pigsunad laban ki VP Sara ay isusumiter pa sana sa House Committee on Justice huli sa pwedeng halaton pa ni House Secretary General Reginald Velasco an ikaapat na impeachment laban sa ikaduwang halangkaw na lider kan nasyon.
An Kongreso ay nakatalaan na magbalik sesyon sa Enero 14 kan taong ini na kun saen pwedeng isunad an ikaapat na impeachment laban ki VP Sara katakod kan dae soboot tamang paggamit kan confidential fund kan Office of the Vice President (OVP) asi man kan Department of Education (DepEd) sa panahon kan panunungkulan kaini na nagaabot sa P612.5 milyon magpuon kan huring parte kan 2022 asin ikatulong quarter kan 2023.
Napagraman na dae pa pigsumiter ni Velasco sa tanggapan ni Speaker Ferdinand Romualdez an ikaapat na impeachment huli sa pagrebyu pa soboot kan House Legal Department an merito kan nasmabitan ng mga kaso.
Sa irarom man kan Saligang Batas, mandato ini tangani na isumiter kan House Secretary General an impeachment sa tanggapan kan House Speaker sa laog nin 10 aldaw kan sesyon makalihis ining maresiber asin dapat ibali sa “Order of Business”.
Mientrastanto igwa man nin tulong aldaw kan sesyon tangani na maipadara ini sa House Committee on Justice na iyo man an magdedeterminar kun igwa nin bastante na basehan an reklamo tangani na aksiyunan ini.
Kasunod man kaini ay may 60 aldaw na sesyon tangani na isumiter kan komite an report sa plenaryo asin 10 sesyon man tangani na maikalendaryo kan Kamara an resolusyon para digde.
Sa ibong kan papabuton na midterm election, sinabi ni Castro na igwa nin bastante na oras pa tangani na maibusol ang impeachment laban ki VP Sara.
Idinagdag pa dide na pirang myembro kan Minorya sa Kamara an nag suporta na sa signature drive na piglansar kan Makabayan coalition na obhetong makakakua nin 1/3 na boto o 106 miyembro kan Kamara tangani dagusan ng maibusol an impeachment asin maparikas an proseso kan impeachment.
Marurumduman na naatubang sa matinding kontrobersya si VP Sara huli sa ribong mga pinekeng resibo na isinumiter kaini sa Commission on Audit (COA) tangani sana tawan nin katwiran an paggamit nin confidential funds kabali an Mary Grace Piattos kun saen napatunayan na mayo ning rekord sa Philippine Statistics Authority (PSA).
