Nasa 5.58 milyong high school graduates an kinokonsiderar komo “functionally illiterate” o igwang problema sa ‘komprehensyon asin man pang-intindi.’
Ini an nilinaw ni Philippine Statistics Authority (PSA) assistant national statistician Adrian Cerezo sa House committee briefing sa ibong kan mga report na an numero kan junior high school graduates na inapod na “functional illiterate” o itong igwa nin problema sa komprehensyon asin man pang-intindi ay nagpakol na soboot sa 18.9 milyon.
An nagin pagkakaiba soboot kan 18.965 million sa tahaw kan old asin man new definition dae nag rerepresenta duman sa mga nakagradwar na nin senior high asin man high school graduates sa old curriculum,”
Nagrerepresenta ini sa edad 10 hasta 64 anyos na may functional literacy deficiencies ano man an nagin educational attainment.
Sa ibong na banda, sinabi ni House Committee on Basic Education and Culture chairman Roman Romulo na an 5.58 milyong indibidwal na nagtitinir na dae maintindihan an saindang binabasa magin ini man ay igwang high school diploma, ay dapat magin kawsa kan kahaditan.
Tinukoy kan Department of Education (DepEd) na 18.9 milyong Pilipino an kinokonsiderar komo “functionally illiterate” basado pa sa resulta kan 2024 functional literacy, education, asin mass media survey (FLEMMS) gikan sa mas mahewas na pangkat nin edad, asin man bako sanang high school graduate.
Sinabi pa ni Cerezo na 18.9 million, labi sa 13 milyong katao an dae nakatapos nin junior o senior high school.
