Gadan an limang (5) indibidwal makalihis mag-overshoot sa runway an sarong cargo plane sa Miami International Airport.
Sigun ki Miami-Dade Fire Rescue Chief Raied “Ray” Jadallah, nakalampas sa runway an eroplano mantang nagla-landing ini.
Nagtama an eroplano sa mga behikulong nakaparada, na nagresulta sa pagkasulo kan parte kan eroplano.
Huli sa insidente, lima man an nairido, asin tolo (3) digdi an nasa kritikal na kamugtakan.
An ibang mga biktima dai tulos nakaluwas hale sa saindang mga sasakyan matapos tamaan ini kan eroplano asin nagtarabangan an mga rescue group tanganing mapaluwas an mga biktima.
An Boeing 767-300 cargo plane hale sa San Juan, Puerto Rico, kan mag-overshoot sa runway matapos mag-landing sa Miami bandang alas dos nin hapon.
Padagos an imbestigasyon kan Federal Aviation Administration o FAA tanganing maisihan an kawsa kan nangyaring insidente.
