NAGA CITY- Irido an lima katao sa karambola kan tolong lunadan Diversion Road, Barangay Magang, Daet, Camarines Norte.
Binisto an mga biktima na sinda Evon Ramos, driver kan motorsiklo kaibanan an duwang backriders na sinda Ernie Tayag asin Rodel; Arnel Dela Trinidad, 60-anyos, driver kan SUV asin Arnel Lopez, driver naman kan sarong dricycle.
Sa inisyal na imbestigasyon kan mga otoridad, napag-araman na mantang binabagtas kan motosiklong minamaneho ni Ramos an kalabaan kan tinampo sa nasambitan ng lugar kan mahagop kaini an tricycle na minamaneho naman ni Dela Trinidad.
Huli sa kusog kan pagkakabangga, nadamay pa an sarong tricycle na minamaneho naman ni Lopez na tinamaan pa kan nasambitan ng motorsiklo.
Nagsapo nin lugad sa manlaen laen na parte kan lawas an tolong driver kaibanan an mga backriders na tulos man na idinalagan sa ospital.
Sa ngunian, nagpapadagos pa an imbestigasyon kan mga otoridad dapit sa nasambitan ng pangyayari.
