Limang tawo an nagadan pagkatapos kan aksidente nin nagkapirang na behikulo sa Virginia.
Segun sa otoridad, nangyari an aksidente sa Interstate 95 kun sain nabudalan kan pampasaherong bus an nagkapirang behikulo na nasa enotan kaini.
Sarong behikulo man an nasulo huli sa nagyaring pagbudal na ikinagadan kan apat na tawo sa laog kan behikulo.
Kabali sa mga nagadan sa kotse an sarong 13-anyos na daragita asin sarong 7-anyos na aking lalaki, na gabos nakaistar sa Greenfield, Massachusetts.
Mantang sarong 25-anyos na babae gikan sa Worcester, Massachusetts an nagadan sa laog kan saiyang SUV.
Igwa pang 44 katawo na tulos idinalagan sa ospital huli sa lugad huli sa aksidente.
Padagos an pagdeterminar kan mga otoridad kun ano an nagin kawsa kan aksidente asin pigpepreparar na an kasong isasangat kontra sa driver kan bus na binistong si Jing S. Dong kan Staten Island, New York.
