Binawian nin buhay an limang orig na enot naman na nagsalang sa anti-ASF vaccination program kan Department of Agriculture.
Basado sa pigpaluwas na impormasyon kan DA, natukoy an mga nasambitan ng orog na igwang dating mga respiratory illness antes pa na magsalang sa bakunahan.
Dae soboot naireport an helang kan mga ini antes nabakunahan, basado naman sa pigsagibong imbestigasyon kan ahensiya.
Sa ibong kaini nagtitinir na positibo an ahensiya sa epekto kan pagtutudok nin bakuna kontra ASF.
Sigun ki DA Assistant Secretary Dante Palabrica, dae ini magigin ulang sa vaccination program kan ahensiya. Dae dapat soboot madepnde sa limang nagadan na orig an desisyon dapit sa vaccination program.
Alagad maski, pigkokonsederar ini kan DA, pigsaysay ni Palabrica na kadakol pang mga salik an hihilingon kan ahensiya tanganing matukoy kun epektibo an pagbabakuna.
Mientrastanto, pigkumpirmar kan DA an pagpondo sa procurement o pagbakal nin 600,000 dose nin bakuna kontra ASF.
