NAGA CITY- Iridu an limang pasahero makalihis maaksidente an piglulunadang pampasaherong jitney sa Sitio Banasi, Maharlika Highway, Barangay Pawili, Bula, Camarines Sur.
Sa nakuang impormasyon kan Bombo Radyo Naga, napag-araman na mantang binabagtas kan driver na si Noli Gache, 42-anyos an tinampo sa nasambitan ng lugar kan bigla ining mawaran nin kontrol sa minamanehong lunadan.
Katakod kaini, nagdurudiretso an nasambitan ng jitney hasta sa makabangga sa kongretong drainage sa gilid kan tinampo.
Nagsapo nin lugad sa manlaen laen na parte kan lawas an limang pasahero kaini na tulos man na idinalagan sa ospital.
Sa ngunian, nagpapadagos pa an imbestigasyon kan mga otoridad dapit sa nasambitan ng insidente.
