Mapautob nin limang reporma an Kamara para sa pagsasabatas sa 2026 national budget asin man sa implementation process.
Ginibo ni Speaker Romualdez an pahayag sa ginibong ceremonial turnover kan National Expenditure Program (NEP), an P6.793-trillion 2026 budget proposal ni Presidente Ferdinand “Bongbong” R. Marcos Jr.,
Sinaysay kan lider kan Kamara na an mga reporma an obhetong siertuhon an ganap na transparency asin man ibali an publiko sa paagi kan mga people’s organization da budget deliberation huli ta an budget an kwarta man kan taumbayan.
Saro sa reporma na ipapautob kan Kamara an paghali sa small committee na iyong nag co-collate kan mga institutional amendments.
Panduwa iyo man an pagbubukas nim House-Senate conference tangani itanos an saindang magkaibang bersiyon. Pantulo, iyo man an partisipasyon kan Civil Society, peoples organization asin an private sector huli ta an pambansang budget an bakong pagsadiri kan mga pulitiko, ini an kwarta kan lambang Pilipino na nagbabayad nin buwis.
Pang-apat an pagpapakusog sa House oversight function sa implementasyon kan budget.
Hurot ni Speaker Romualdez na nagkakanigo sana na bukasan an talakayan sa publiko asin man gabos nin amendments an dapat aram kan tawo. Huli ta kun an kwarta kan taumbayan an pinag-uulayan, dapat taumbayan man an nakakaaram.
Kada pisong ginastos an dapat man igwa nin katampad na serbisyong namamatean. Sigun ki Speaker an pang limang reporma an saindang tatawan nin prayordiad an investments na makakapagbago sa buhay kan lambang Pilipino. Nagtutubod an house leader na kun malinaw an proseso malinaw man an tiwala kan taumbayan.
Pag asegurar pa ni Speaker Romualdez, saindang hihimayon an kada dahon kan NEP.
