NAGA CITY- Dawa mayo nin nakabanderang gale warning sa kadagatang sakop kan Bicol Region, nag-abot man giraray sa 55 pasahero an stranded sa Pasacao Port sa probinsya nin Camarines Sur.
Sa entrevista kan Bombo Radyo Naga ki Ens. Bernard Pagador, station commander kan PCG-CamSur, sinaysay kaining nagpuon na nagdakol an mga pasaheo kasubagong alas 6:00 nin aga.
Sigon ki Pagador, makusog an hukol sa kadagatan urog na an direksyon pasiring sa Masbate kung kaya dae na naglawod an mga motorized banca na masundo asin mahatod sa mga pasaherong gikan sa CamSur asin pasiring sa Burias asin San Pascual, Masbate.
Sa ibong kaini, pigsierto man ni Pagador na tulos nindang tutugutang magbyahe an mga motorized banca anumang oras enkaso magrahay na an kamugtakan kan panahon sa probinsya.
