Pinagtibay na kan House panel an prosopwestong naglalangkaw nin compulsory retirement age kan mga officers asin non-officers kan Philippine National Police (PNP) sa 57-anyos gikan sa 56.
An House Bill (HB) 11140 an inaprubaran kan House Committee on Public Order and Safety na nag-aamyendar sa Republic Act (RA) 6975 o mas bistado komo Republic Act (RA) 6975 o mas bistado man komo Department of Interior and Local Government Act of 1990.
Sinaysay ni Santa Rosa City Rep. Dan Fernandez, committee chair, an prosowestong pahewason pa nin sarong taon an pagreretiro kan mga pulis tanganing mapakusog pa an law enforcement operations.
Sigun man ki Atty. Ricardo Bernabe III, National Police Commission Vice Chairperson asin Executive Officer, an prosopwestong retirement age an dapat nakalinya man sa internasyonal na mga praktis.
Sa ibang mga nasyon siring na sa United Kingdom, Vietnam asin Australia, sinaysay kaini na 60-anyos an retirement age.
Pigsuportaran man kan Civil Service Commission (CSC) an nasambitan ng prosopwesto kun saen an naumbitan ng amyenda sa retirement age an iginiit na dapat kapareho sa mga military personnel sa irarom kan Republic Act (RA) 11939.
Pighayag ni Major Gen. Edgar Alan Okubo na an nasambitan ng prosopwesto an matao nin dericho sa puwersa kan pulisya na labi pang magamit an saindang mga kakayahan asin naeksperyensiyahan.
