Nagkanselar kan saindang mga biyahe an dae mababa sa 58 na pantalan sa bilog na nasyon dara kan padagos na paghagupit kan Bagyong Ramil sa Luzon asin Visayas.
Sigun sa National Disaster Risk Reduction and Management Council (NDRRMC), pinakadakol na nakanselar na trips an nasa parte kan Bicol Region na igwang 26 cancelled trips, sinundan kan Calabarzon, na nakapagkurit nin 18 mantang nakapagrehistro man nin 11 cancelled trips an rehiyon kan MIMAROPA.
Duwa man gikan sa Eastern Visayas an presente ng operational asin presenteng makakaresebir nin mga biyahe.
Mientrastanto, nasa kabilogang 4,178 man an numero kan mga pasahero na na-stranded sa mga pantalan dara kan bagyo kun saen pinakadakol an naikurit sa Bicol Region na igwang labi sa 3,142 na mga stranded passengers.
Presente man na makakaresebir na nin pangenot na tabang an mga stranded passengers mantang padagos na nakamonitor sa mga epekto pa kan nasambitan ng raot kan panahon.
