Pigyugo-yugo kan makusog na linog na igwa nin preliminary magnitude na 6.8 sa timog-kanluran kan Japan kan Lunes, na nagkawsa kan mga babala sa publiko na magrayo sa mga baybayong lugar huli sa sarong tsunami advisory, na dae naghaloy pigkanselar.
Mayong naikurit na danyos. Alagad sarong lalaki an bahagyang nalugadan sa Kyushu makalihis mahulog sa pirang hagdan.
Nag-untok man an pagdalagan kan mga tren sa Miyazaki Station.
Sinabi na an tsunami, an pigkakarkulong nasa 1 metro (3.2 talampakan), an nag-abot sa kadagaan sa laog nin 30 minuto pagkatapos kan linog. An tubig na nahiling sa Miyazaki Port an may sukol na 20 sentimetro (0.7 talampakan) an langkaw, sigun sa repot.
An nasambitan ng abiso kan tsunami an pigluwas para sa Miyazaki prefecture, kun saen nakasentro an pagyugo-yugo, sa timog-kanlurang isla kan Kyushu, siringman sa kataid na Kochi prefecture sa isla kan Shikoku, pirang minuto makalihis an pagyugo-yugo na nagtama bandang alas-9:19 nin pagkabanggi. Gabos ini an pinahali antes an midnight.
Sinabi kan opisyal kan ahensya na si Shigeki Aoki sa mga mamamahayag na dapat bantayan kan mga tawo an pagrasay kan daga siring man an mga nahuhulog na bagay sa mga harong. An aftershocks an posible soboot magtama sa masunod na semana, orog na sa masunod na duwa o tolong aldaw.
