Nakatalaang liwat na magsagibo nin panibagong military exercises sa nasyon na aatenderan kan mga suldados gikan sa ibang nasyon arog na sana kan United States, Japan, South Korea, the United Kingdom, asin Australia.
Ini an Kaagapay ng Mga Mandirigma ng Dagat (KAMANDAG) 08 – 24 Exercises na nakatalaam puon Oct. 15-25.
Sigun sa Philippine Marine Corps (PMC), an US Marine Corps, Japan Ground Self-Defense Force, Republic of Korea Marine Corps, United Kingdom Royal Marine Commandos, asin Australian Defense Force an makikisumaro sa sainda sa ehersisyong ini.
An Kamandag Exercise parte kan aktibidad ngonian na taon sa pagultanan kan Pilipinas asin Estados Unidos na enot na inaprobaran kan Mutual Defense Board – Security Exchange Board na binibilog kan mga opisyal kan seguridad kan Pilipinas asin Estados Unidos.
An mga lugar na sakop kan Northern Luzon Command, Western Command Joint Operational Areas, asin nagkapirang piling lugar sa Manila asin Cavite iyo an maserbing mayor na training venue.
Sa ngunyan, dae pa pigpapaluwas kan Armed Forces of the Philippines an total na numero kan mga suldados na mapartisipar.
Kabali sa mga gigibuhon na training asin simulation sa irarom kaini iyo an live fire, amphibious assault, raid, counter-landing exercises, humanitarian assistance asin disaster relief, asin iba pa.
