Mapakol sa 64 katawo an binawian nin buhay sa mahewasang anti-crime drive kan kapulisan sa Rio de Janeiro sa Brazil.Kaibahan sa binawian nin buhay an apat na kapulisan makalihis na manlaban an nagkapirang suspek.
Target kan otoridad na masawata an paglaganap kan krimen kan Comando Vermelho criminal group.
Nag-abot nin sarong taon antes naisakatuparan an operasyon na kinababalihan kan 2,500 military asin civilian police personnel.
An Comando Vermelho (CV) an pinakagurang na criminal organization sa Brazil.Igwang 81 katawo man an naarestar kan mga otoridad kun saen ginamit pa kan drone an mga ini tanganing labanan an kapulisan.
Pig-enkaminar ni Rio de Janeiro State Governor Cláudio Castro an mga residente na magtinir muna sa saindang kaharongan hasta padagos an paghahanap kan mga otoridad sa mga lugar kun saen nagtatago an mga gang members.
