NAGA CITY-Igwa kan taong 2022 nin nairehistrong 680,000 nin mga Bikolano na nagtatrabaho komo mga parasisira asin paraoma.
Sa nagin paghampang sa mga kagawad kan media ni Rodel Tornilla, Regional Executive Director kan Department of Agriculture-Bicol, an Rehiyong Bikol soboot igwang lampas 1.8 Million hectares kun saen haros kabanga kaini pigkaklasipikar komo agricultural land.
Dugang pa kaini, pag-abot sa kalamidad, kumpleto kita igdi. Sigun ki Tornilla, sa 22 nin bagyo na nag-aagi sa Pilipinas kada taon, mayorya igdi nag-aagi sa rehiyong Bikol.
Ini soboot nin huli ta yaon an rehiyon sa typhoon belt kan nasyon.
Dugang pa kaini kabali sa mga kalamidad an pagbaha, storm surge, drought, saline intrusion, vulcanic eruptions, asin mga paglinog.
Siring soboot kasakit mag-manehar kan sektor kan agrikultura sa rehiyong Bikol.
Sigun ki Tornilla, kabali sa satuyang prioridad nin commodities an rice, corn, high-value crops, livestock and poultry, fisheries, root crops, na nangangaipo nin investment nin nasa ₱134 Billion.
An pigura basado soboot sa forward planning na saindang pigsagibo.
Pag-abot sa bagas, an rehiyong Bikol soboot an #5 rice producing region sa buong Pilipinas, kun saen nag-haharvest igdi nin 1.3 Million Metric Tons gikan sa 346,000 hectares nin planted area.
