Gadan an an nasa pitong indibidwal mantang 12 an nalugadan sa nangyaring kasulo sa sarong hotel sa South Korea.
Nagbungkaras an kasulo sa ika-walong palapag kan sarong hotel sa Bucheon, pasado las-7:40 nin bangi kan nakalihis na Huwebes. Nag-abot man nin haros duwang oras antes na maapula an kalayo basado naman sa interior ministry.
Kabali sa mga binawian nin buhay an mag-agom na nagtagbang gikan sa bintana sa air mattress sa hampang kan edificio.
Pig-aaram pa kan mga otoridad an rason kan insidente alagad enot naman na pigsaysay na mayong sprinklers sa laog nin huli ta dae soboot ini mandatoryo kan makumpleto an edificio kan nakalihis na 2003.
Ipinagsugo naman ni Interior Minister Lee Sang-min ang“all-out rescue efforts” sa paagi kan pagpapahiero kan gabos na available resources.
