Hinahagad ngunian kan Office of the Ombudsman an 18 self-identified former soldiers na magsumiter nin magkasuhay na pahayag sa opisina.
Segun ki Ombudsman Jesus Crispin ‘Boying’ Remulla, nagpadara sinda nin surat sa abogado kan grupo na si Atty. Levito Baligod, manungod digdi.
Kun saen an abogado pinagbotan na magpresentar nin separadong mga pahayag o mga affidavit kan lambang suldados na nagpirma kan saindang ‘joint-affidavit’.
Nanindugan si Ombudsman Remulla na dae malinaw o credible na pareho an aram kan 18 dating soldados.
Pigduon man kaini na an ‘affidavit’ sarong testimonya o pahayag kan sarong indibidwal base sa saiyang personal na kaaraman.
An pahayag ni Ombudsman Remulla nagsunod kan magsumiter kan 18 dating soldados kan saindang ‘joint-affidavit’ sa opisina kan Tanod-bayan.
Igwa ining mga alegasyon asin mga akusasyon na nag-iimpluwensya sa nagkapirang senador, lehislador asin iba pang mga opisyales manungod sa male-maletang ‘delivery’ nin kuwarta.
Pigsugo pa kan Ombudsman an National Bureau of Investigation na i-verify o siyasaton an identidad kan mga dating soldados.
Sigon ki Ombudsman Remulla, an iba sa mga ini an may kahampang na murder.
Sa ibong kaini, pigsierto ni Ombudsman Jesus Crispin ‘Boying’ Remulla na magigin patas sinda dapit digdi asin sinabi kaini na dae ini ipersonalized envez papabayaan na mag-imbestigar an mga tawohan kan Tanod-bayan.
