NAGA CITY- Kusang nag-ibakwar an halos 71 na indibidwal sa Barangay Triangulo, Naga City makalihis na makaeskperyensiya nin labing pag-uuran.
Sa entrevista kan Bombo Radyo Naga ki Raymund Monex Arevalo, Kapitan kan Barangay Triangulo, Naga City, sinaysay kaini na huli soboot sa trauma o takot na naeksperyensiyahan sa dae pa sana naghaloy na panlalamasa kan Bagyong Kristine kun kaya man nakapagrehistro an saindag lugar nin evacuees.
Marurumduman, saro an nasambitan ng Barangay sa na naapektaran kan labing pagbaha kun saen kadakol an na-stranded na mga residentes.
Sigun pa sa opisyal, pig-asikaso naman soboot kan saindang lado an mga nag-ibakwar katabang an DSWD tanganing matawan an mga ini nin magkakanigong atensyon orog na an mga pagkakan.
Sa ibong na lado, mayo man soboot nairehistrong casualties kasabay kan nangyaring kasulo sa Barangay Triangulo kasubangi na nagpuon sa sarong residensiya alagad tolos man na naagapan.
Sa ngunyan, liwat giraray na pinagirumduman kan opisyal an saiyang mga nasasakupan na mag-andam sa pigbabantayan na raot kan panahon.
