Aram baya nindo mga ka-bombo, sarong 75-anyos na lola gikan sa Vietnam an pig-ako na dae ini nagkakakan nin anuman na klase kan solid food sa laog nin nasa 50 taon. Binisto an nasambitan ng Lola komo si Bui Thi Loi, gikan sa Loc Ninh commune, sa Quang Binh Province kan Vietnam.
Basado sa report, marhay soboot an kamugtakan kan salud ni Loi maski pa tubig asin soft drinks sana an saiyang pigkokonsumo.
Dae man soboot ini naghahanap nin solid food sa laog kan haros kabangang siglo. Nagpuon an siring na sitwasyon kan taong 1963 kan tamaan nin kikilat mantang nagsasakat sa kabubuludan tanganing bulungon an mga lugadan na soldados na nakikipaglaban sa giyera.
Nawaran nin malay tawo si Loi asin kan magimata saiyang namatean na igwang nagbago sa saiyang lawas.
Sigun man sa mga doktor gikan sa Department of Nutrition sa Vietnam-Cuba Friendship Hospital sa Dong Hoi, an sugary soft drinks an nakakatabang tanganing magkaigwa nin enerhiya an lawas asin nagsusuporta sa marhay na pag-function kan digestive system.
Alagad, liwat na pigtawan duon kan mga doktor na an labing pag-inom nin soft drinks an peligroso sa salud kan tawo huli ta pwede ining paggikanan kan mga problema siring kan obesity, diabetes, high blood pressure, asin cardiovascular diseases.
