NAGA CITY– Sa karsel an bagsak kan walo katao makalihis na maaktuhan na iligal na nagmimina sa banwaan kan Jose Panganiban, Camarines Norte.
Sa nakuang impormasyon kan Bombo Radyo Naga, napag-araman na inaresto kan pinag-sarong puwersa kan Jose Panganiban PNP, Regional Special Operation Group, asin Camarines Norte Provincial Mobile Force Company an mga suspek mantang iligal na nagmimina sa parte kan Barangay San Rafael.
Narekober sa mga ini an 16 piraso nin dinamita na ginagamit sa pagmimina, sinakong mga mineral asin iba pang mga mining paraphernalia.
Nasa kostudiya kan PNP an mga suspek mantang pinepreparar na an kasong isasangat laban sa mga ini.
Advertisement
Advertisement
