Nakapagkurit an Department of Tourism (DOT) kan 2024 nin paglangkaw kan numero kan mga Indian na nagbibisita sa Pilipinas.
Kun saen, mapakol na sa 80,000 an mga Indian na nasa Pilipinas na 12 percent soboot na mas halangkaw kumparar kan taong 2023.
An paglanglaw na ini sa turismo an pigkokonsiderar na sarong positibong pananaw para sa sektor kan turismo kan nasyon, mantang pig tatangkilik kaini an naghehewas na merkado kan outbound tourism gikan sa India.
Sinaysay ni DOT Secretary Christina Garcia-Frasco an importansya kan merkado kan India para sa turismo kan Pilipinas, asin pigtutukdo an manlaen-laen na atraksyon kan nasyon na nakakaakit sa mga Indian tourist.
Kabali digdi an mga bistadong beach, mga award-winning na dive sites, mga pre-historic sites, asin mga wedding destination siring kan probinsya kan Cebu.
Pigtawan-duon pa kan ahensya na an kombinasyon kan natural na kagayonan asin pamana kan kultura kan Pilipinas an labi na kaakit-akit sa mga Indian na turista na naghahanap nin balanseng pagpapahingalo, pakikipagsapalaran, asin pagbisto sa Kultura kan mga Pinoy.
Tanganing suportaran an pag-uswag kaini, nagpautob an gobyerno kan Pilipinas nin mga lakdang tanganing gibuhon na marekas an paglalakbay kan mga ini siring kan Cruise Visa Waiver Program, mga lakdang pasiring sa visa liberalization, asin pagpapabisto kan electronic visa para sa mga Indian.
An mga lakdang na ini an igwa nin obhetong gibuhon na mas magian an proseso kan pagbiyahe asin ilaog an Pilipinas komo sarong nangengenot na destinasyon sa Southeast Asia para sa mga Indian tourist.
