NAGA CITY– Inomaw ngunian ni former PNP chief asin presenteng Director General kan Bureau of Corrections na si Ronald “Bato” dela Rosa na dakula na ngunian an pagbabago sa laog kan New Bilibid Prison (NBP).
Sa entrevista kan Bombo Radyo Naga ki Dela Rosa, sinaysay kaini na haros 80% soboot sa mga iligal na transaksyon sa kulungan an nawara na puon kan magtukaw siya komo pamayo kan ahensya.
Alagad sigon sa opisyal, dae soboot niya maininigar na igwa pa man giraray nin mga nakakalusot na mga iligal na transaksyon kan droga alagad kinakarkulong nasa 20% na sana ini.
Nagpuon soboot ini kan ipautob niya an lights off policy sa laog kan kulungan kunsaen puon alas 10:00 nin banggi hasta alas 4:30 nin aga, nakapalsok an ilaw sa laog kan mga selda.
Obheto soboot kaini na mapugulan an mga iligal na aktibidad kan mga imates na kadalasang pigigibo tuyong banggi.
Apwera digdi, nakakatipid man soboot sa kuryente an gobyerno sa paagi kan nasambitan ng polisiya.
Sa ngunian, naglalaom si Dela Rosa na magpapadagos an magayon na record kan nasambitan ng pasilidad.
