Gadan an dae mababa sa siyam (9) katao asin haros 11 pa an irido makalihis pagbabadilon kan duwang armadong lalaki an mga sibilyan sa Bondi Beach, Australia kan nakalihis na Dominggo, Disyembre 14.
Sigun sa report kan pulisya, kapot na ninda sa kustodiya an mga suspek, kun saen an saro an nasa kritikal na kondisyon makalihis tamaan kan bala sa pakikipagribayan nin putok sa mga awtoridad.
Katakod kaini, nagtao nin pahayag sa internet si Prime Minister Anthony Albanese, asin inapor an pangyayari na sarong “nakakabigla asin nakakabahala.”
Mientrastanto mayo pang pigtatao na impormasyon an mga awtoridad manungod sa rason kan insidente mantang nagpapadagos an imbestigasyon.
An nangyaring pambabadil iyo an pinakabagong nairehistrong mass shooting sa laog kan 29 na taon.
