NAGA CITY- Irido an 9 na persona kaibanan an apat na menor de edad makalihis na makabudal an sarong van sa back hoe sa Barangay Banga, Tinambac, Camarines Sur.
Sa nagunong impormasyon kan Bombo Radyo Naga, napag-araman na hale sa town proper an van na minamaneho ni Christian Gaor, 24-anyos asin pasiring kuta na ini sa Barangay Tamban kan nasambitang banwaan.
Pag-abot sa pababang parte kan tinampo sa Barangay Banga, aksidenteng nakasalpok an van sa nakaparadang back hoe.
Huli sa kusog kan pagkakabangga, nagsapo nin lugad sa manlaeng-laeng parte kan saindang lawas an siyam na pasahero kaini kaiba an apat na menor de edad na tulos man na naidalagan sa ospital.
Sa ngonian, nagpapadagos pa an imbestigasyon kan mga otoridad manungod sa nasambitang pangyayari.
