Gadan an 9 katawo makalihis na magtuga an bulkang Lewotobi Laki-laki sa sirangan na Indonesia kan nakalihis na aldaw nin Nobyembre 3.
An bulkan nagbuga nin mga putok na lava plumes na nagin rason kan mga awtoridad na i-ebakwar an nagkapirang mga residente gikan sa pagtaraid na mga baryo sa lugar.
An nasambitan ng bulkan yaon sa Isla nin Flores sa probinsya nin Sirangan na Nusa Tenggara.
Susog sa tagapagtaram kan Center of Volcanology and Geological Hazard Mitigation (PVMBG) na si Hadi Wijaya, an bulkan nagbuga nin nagkakalayong lava, volcanic ash asin nagkakalayong mga gapo.
Makalihis an pagsabog, nagkaigwa nin pagkawara nin kuryente, nag-uran asin nagkaigwa nin dakulang kidlat na nagkawsa nin pagkatakot sa mga residentes. Huli kaini, pigtaas na kan mga otoridad an status kan bulkan sa Alert level 4.
Pigrekomendar man kan ahensya na bayaan an 7-kilometer radius gikan sa bulkan.
Basado sa report, igwa nin mga harong na naraot asin nasulo huli sa naglalaad na lava asin gapo na nagtama sa mga pagtaraid na harong na apat na kilometro gikan sa crater.
An Indonesya yaon sa Pcific Ring of Fire.
