NAGA CITY- Nasa marhay nang kamugtakan an ibang mga pasahero na nairidu sa salpukan kan tricycle asin motorsiklo sa San Antonio Bombon, Camarines Sur.
Sa entrevista kan Bombo Radyo Naga ki PCpl. Wilson Bantog , tagapagtaram kan Bombon-PNP, sinaysay kaini na an lunad kan motorsiklo an labing naapektaran mantang mga minor injuries sana an sinapo kan nakalunad sa tricycle.
Sa ngunian, pighahalat na sana soboot nindaan magigin desisyon kan mag-ibong na lado kung makaso o ma-areglo na sana.
Katakod kaini nagpagirumdom na sana si Bantog sa mga motorista na mag-ingat nganeng makalikay sa anumang aksidente.
