9 persona, arestado huli sa iligal na pagsisira sa Garchitorena

NAGA CITY- Arestado an siyam na persona na soboot iligal na nagsisira sa kadagatang sakop kan Barangay Denria asin Sumaoy, Garchitorena, Camarines Sur.

Sa entrevista kan Bombo Radyo Naga ki PS/Insp. Juvy Llunar, hepe kan Garchitorena-PNP, sinaysay kaini na siyam katao an nadakop kan mga otoridad sa magkakasuway na oras kan operasyon kan mga otoridad sa kadagatang sakop kan nasambitang lugar.

Sigon ki Llunar, nakalunad sa tolong bangka an nasambitan ng mga suspek mantang nagagamit nin compressor na soboot pigpapangalad sa lugar basado sa ordinansang pigpapautob sa banwaan.

Sa ngunian, nagtitinir na sa kustodiya kan mga otoridad an mga suspek para sa maninigong disposisyon.