NAGA CITY- Nagserbeng simbolo kan pagpupugay sa Kagurangnan sa paagi ni Ina Peñafrancia an pakikisumaro kan 9th Infantry “Spear” Division, Philippine Army sa pigkundusir na Civic Military Parade sa siyudad nin Naga ngunyan na aldaw.
Sa nagin patara-tara ni Major General Aldwine I. Almase, kan 9th Infantry “Spear” Division, Philippine Army, sinaysay kaini na an gabos na miyembro kan uniform services siring kan Philippine Army, Philippine Navy, Philippine airforce, PNP asin iba pang ROTC units an nagkasararo sa pagserbe sa irarom kan patnubay o giya kan Kagurangnan.
Ini soboot an nagpapahiling kan saindang dae matitinag na prinsipyo na iyong nag-uugnay sa kada saro sa sainda partikular sa pagtaong importansiya sa bayan, pagpapadangat sa kapwa asin dedikasyon sa pagpaparmahy kan nasyon.
Sa paagi kan nasambitan ng Civic Military Parade an gabos na mga uniform personnel an nagsanib-pwersa, nagtabangan asin nagkasararo para sa katuninongan asin kaayusan sa komunidad.
Pigsierto man kan opisyal na nagtitinir na tapat asin pusog an saindang kabuhan sa anuman na klase kan angat na saindang kinahampang orog kan kan gobierno.
Sa ngunyan, pigsaysay na sana ni Almase na preparado an saindang hanay para sa paabuton na Fluvial procession sa aga, aldaw nin Sabado.
