NAGA CITY– Dead on arrival an sarong construction worker nakalihis pagsasaksakon kan mga kainuman kaini sa Lucena City Park Subd., Brgy Isabang, Lucena City.
Binisto an biktima na si Ransel Saludes, 24 anyos.
Sa nagunong impormasyon kan Bombo Radyo Naga napag araman na nag-iinuman sana sinda Saludes asin an duwang suspek na sinda alias “Bert Capote” asin alias “Mark Joseph Balon” kan magkaigwa ini nin dai pagkakaintindihan na napuli sa pananaksak kan mga suspek sa biktima.
Sa inisyal na imbestigasyon kan mga otoridad napag aramang nagsapo nin apat na saksak sa saiyang lawas an biktima.
Makalihis an insidente tulos man nagdulag an mga suspek dara an armas na ginamit kaini sa pananaksak.
Sa ngunian, nagpapadagos pa an imbestigasyon kan mga otoridad sa pangyayari para sa posibleng pagkakadakop kan nagdulag na mga suspetsado.
