Nakumpleto na kan K-pop star na si Kim Jong-in o mas bistado sa saiyang stage name na si Kai kan boy group na EXO an saiyang mandatory military service kan nakalihis na Lunes, Pebrero 10, 2025.
An nasambitan ng bareta an nagpa-excite sa mga fans ni Kai orog na ta piglalaoman an saiyang pagbwelta sa music career.
An 31-anyos an si Kai an dagusan ng na-discharged sa saiyang military service kun saen ini an nagserber partikularment komo social service agent puon May 2023.
Marurumduman, an gabos na mga kalalakihan sa South Korea orog na an mga mayong kakundian o problema sa lawas an pigre-required na magsairarom kan saindang military service nin haros 2 taon. Ini huli naman sa huma na dara kan North Korea.
Makalihis na makumpleto ni Kai an saiyang military service, sulamenteng si Sehun na sana an natatadang miyembro kan EXO na dae pa nakakatapos kan saiyang serbisyo, alagad ini an piglalaoma na ma-discharged sa bulan nin September.
Naglaog si Kai sa K-pop industry kan taong 2012 komo miyembro kan EXO, na bistado man sa saindang mga kanta na Growl,” “Ko Ko Bop” asin “Love Shot.”
Kan taong 2020, nag-debut ini komo soloist gamit an saiyang self-titled extended play (EP) asin nakapag-release pa nin duwang EPs siring kan Peaches kan taong 2021 asin Rover kan 2023 antes ining maglaog sa saiyang mandatory military service.
