Maduon na kinondena asin pigbabalewala kan National Historical Commission of the Philippines (NHCP) an kasuarin sanang pag-aangkin kan China sa Isla kan Palawan.
An mga pahayag na ini an nagkuriyat sa sarong post sa social media na naglalaog nin impormasyon sa Weibo gaming asin iba pang mga Chinese social media platforms.
Sigun sa post, pig-angkin kan China na dating sainda an Isla kan Palawan asin pinamahalaan soboot kaini sa laog nin sarong ribong taon.
Dugang man sa post na an Pilipinas an mayong karapatan sa isla asin pig-apod pa ining ”Zheng He Island,” gikan sa pangaran kan pigbistong Chinese explorer.
Siring man, pigtawan-duon kan NHCP na an nasambitan ng exploration an dae boot sabihon na pagsasadiri na ini kan China.
Mayong ebidensiya man an nagsasabing permanenteng nag-istar an mg Tsino sa Palawan – sarong lugar na pigkakarkulong pig-istaran na kan mga tawo sa laog kan 50,000 na taon sigun sa mga ebidensiya igwa an archaeologist.
Dugang pa kan komisyon, puon kan nakalihis na taong-1521, sigun sa report ni Antonio Pigafetta, sarong italyanong manlalakbay na kaibahan sa enot na naglibot sa kinaban.
An Palawan soboot an pig-iistaran kan mga komunidad siring sa kultura kan iba pang parte kan probinsiya kan Pilipinas.
Sa katunayan, an pamayo kan ekspedisyon an naggibo pa man nin sarong blood compact sa pamayo kan komunidad kaidto na presenteng Sitio Tagusao Brooke’s Point, Palawan na pigbibisto man kan NHCP.
Sa mga nakalihis na taon, an historical maps gikan sa mga European kan nakalihis na 1500s hasta 1800s an pigbisto an Isla kan Palawan komo parte kan kapuluan kan Pilipinas, na pinamayuhan kan Sultanate kan Sulu asin kan Spanish Captain-Generalcy kan Pilipinas.
Dugang pa kan NHCP, na an 1898 Treaty of Paris na binago kan 1900 Treaty of Washington, an malinaw soboot na nagtukoy kan mga hangganan kan teritoryo kan Republika kan Pilipinas sa presente.
Mientrastanto, nanindugan an NHCP sa posisyon kan gobyerno kan Pilipinas na mayo ni sarong pulgada kan teritoryo soboot kan Pilipinas an pwedeng ipabakal o angkinon kan anuman na nasyon na nagpapanggap na amigo kaini.
