Ilulunsar kan Pilipinas asin South Korea an 2024/25 Knowledge Sharing Program (KSP), sarong bilateral cooperatiom na obhetong pakusugon an pagtatabangan sa enerhiya asin magpatindog nin mas salbado asin matatag na sistema nin enerhiya.
An programa an susog sa nagin pag-ulay kan gobyerno kan SoKor asin Pilipinas kan bulan nin Agosto kan nakalihis na taon asin saro sa mga plataporma kan duwang nasyon an pagriribayan nin kaaraman asin igwang kinaaraman sa kasanayan.
An nasambitan ng koopesyon an magdadara sa Pilipinas nin kaaraman gikan sa mga makabagong teknolohiya sa enerhiya kan South Korea mantang iheheras man kan Pilipinas an sadiring kaaraman sa geothermal asin pumped hydropower generation.
Pira sa mga bistadong institusyon sa enerhiya kan Korea an mabali kaibahan na an Korea Energy Economics Institute (KEEI).
Korea Advanced Institute of Science and Technology (KAIST), Korea Trade-Investment Promotion Agency (KOTRA), asin Korea Hydro & Nuclear Power (KHNP).
Mantang an Asia Economic Development Committee (AEDC) kan South Korea an mamamayo sa pagpapautob kan programa digde sa Pilipinas.
Pigtawan-duon man ni Department of Energy (DOE) Undersecretary Alessandro O. Sales, an importansiya kan inisyatibang ini sa paghubog kan mga polisiya sa enerhiya asin pagpapa-uswag kan mga institusyon.
Pig-highlight kaini ba an mga pananaw gikan sa KSP an makakatabang sa paggibo nin mga polisiya asin pagpapautob kan mga makabagong solusyon sa enerhiya na akma sa padagos na pag-uswad kan pangangaipuhan kan nasyon.
Sa ibong na parte binanggit man ni Senator Sherwin Gatchalian, na nag-atendir sa event, na makikinabang an South Korea gikan sa karanasan kan Pilipinas sa geothermal asin hydropower, makakakua man an Pilipinas soboot nin importanteng kaaraman gikan sa Korea sa mga larangan siring kan smart grids, battery storage, asin nuclear enerygy.
An 2024/25 KSP an nakapokus sa pagsimbag sa mga primerong prayoridad sa enerhiya, kaibahan an pagpapahewas kan imprastraktuka, para sa mga de-kuryenteng lunadan, renewable energy integration, grid modernization, asin mga advanced battery storage systems. Obheto man kan Pilipinas an 35% renewable energy share pag-abot kan 2030.
Sa irarom kan KSP, nagsumiter an Pilipinas nin tolong primerong mungkahi: an pagpaparekas kan adoption kan mga electric vehicles, integration kan floating solar, asin smart grid technologies, asin pagpapahusay kan mga capacity-building initiatives para sa pag-uswag kan malinig na enerhiya.
