PIGHARANG kan Bureau of Costums asin Department of Agriculture an pirang mga container kan smuggles frozen mackerel sa sarong bodega kan Bureau of Costums compound sa siyudad kan Manila.
Sa pigkasar na inspeksiyon kan nakalihis na aladaw, nadiskubre na an nineteen (19) na darakulang containers an naglalaog nin mga frozen Mackerel na pigkakarkulo mang nagkakatindad nin 202 million pesos.
Sigun sa Commissioner kan Bureau of Costums na si Commissioner Buenvenido Y. Rubio, itinago soboot an tunay na laog kan mga produkto sa laog kan containers.
Soboot, an deklarasyon kaya sa mga papeles kan mga ini an nakabugtak na an laog kan labi 19 na containers an frozen fried taro sticks.
Alagad kan bukasan man an mga container sa isinagibong inspeksiyon, nagbungad sa sainda na iba ini sa pigdeklarar na produkto asin nahiling pang pano-pano ini kan mga kahon-kahon na frozen Mackerel.
Basado sa saiya pang mga ipigheras, kan nakalihis na Enero 20 kan presenteng taon nadiskunre na igwang kahina-hinala sa laog kan mga ini.
Kaya makalihis an pirang imbestigasyon, ikinasar an inspeksiyom sa mga ini asin pighayahan ni Commissioner Buenvenido Rubio na napag-araman na an mga smuggled na frozen mackerel an gikan sa nasyon kan China.
