Nagin marahay asin dae naman kaipuhan na maggamit nin mechanical ventilation tangani tabangan sa paghangos si Pope Francis, sigun sa Vatican kan nakalihis na aldaw nin Martes.
An Santo Papa naka-eksperyensya nin duwang respiratory crises kan nakalihis na Lunes mantang nakikipaglaban pa ini sa double pneumonia.
Susog pa sa Vatican press office, nagbalik naman ngunyan an Papa sa pag-ako nin oxygen sa paagi pa kan sadit na hose sa irarom kan saiyang dungo. Sinabi kan Vatican na an kondisyon kaini ay naging stable na, alagad pigpapatinir kan mga doktor an saiyang prognosis komo “guarded” na buot sabihon ay mayo sa peligro an Santo Papa.
Ini man ay nasa Gemelli Hospital kan Roma magpuon pa kan nakalihis na Pebrero 14, kan ini ay na-admit para sa sarong matinding impeksyon sa paghangos na nag-trigger kan iba pang mga komplikasyon.
Sigun pa sa opisyal kan Vatican,an pagsusuri sa dugo kan pontiff an nagtitinir na stable. Nagtutubod an mga doktor kan Papa na an respiratory episode an parte kan normal response kan saiyang lawas sa paglaban sa impeksyon.
Sa ngunyan, an double pneumonia na naeeksperyensyaha kan Papa an sarong malalang impeksyon sa parehong mga baga na pwedeng magkawsa nin sakit sa paghangos.
