Aram baya nindo mga ka-bombo, makalihis na mag-ipon nin haros 10 taon an sarong Japanese na lalaki tanganing mabakal an saiyang pangiturugan na lunadan, sarong bagong-bago na Ferrari 458 Spider, ini an natumtom nin kalayo sa laog sana nin sarong oras makalihis na imaneho sa enot na pagkakataon.
Susog sa report, nakaguno nin simpatiya sa tawo an istorya kan sarong joven na music producer na kun saen an saiyang inipon na kwarta sa laog kan halawig na taon an binakal nin lunadan alagad ini an nagliyab asin natumtom nin kalayo.
An nasambitan ng insidente an pigheras kan lalaki sa saiyang social media account kun saen an saiyang kaogmahan sa laog nin pirang minuto an naribayan nin kamunduan.
Sigun pa sa lalaki, mantang pig test drive kaini an bago pa sanang deliver na 458 Spider sa Shuto Expressway sa Tokyo kan nakalihis na April 16 kan bigla na sana soboot mag-aso. Pighuna kan lalaki na an a-so an gikan sa ibang lunadan alagad kan magpundo digde na kaini nahiling na gikan sa saiyang brand new na lunadan an a-so.
Tolos na nagliyab an behikulo kaya man tolos na nag-apod sa fire department an lalaki.
Sa laog kan 20 minutos, pighiling na sana kan lalaki an saiyang pangiturugan na lunadan na matumtom kan kalayo.
Katakod kaini, pig-anunsyar kan Tokyo Metropolitan Police Department na mayong sinyales kan collision sa Ferrari, alagad padagos man an pigkundusir na imbestigasyon tanganing maaraman an rason kan insidente.
