Binuksan na an primerong General Congregation of the College of Cardinals, kasunod kan pagkagadan ni Pope Francis kun saen sinabayan ini nin taimtim na pangadyi.
Nasa poco mas o menos 60 cardinal an nag atendir sa pagtiripon sa Synod Hall, kun saen sinda ay nagsumpa, alinsunod sa Universi Dominici Gregis, an dokumentong nagtatalaan kan mga panundunan sa panahon nin sede vacante asim sa pag-elect nin bagong Santo Papa.
Binasa ni Cardinal Kevin Farrell, Camerlengo kan Simbahang Katolika, an huring habilin ni Pope Francis.
Nagdesisyon man an mga cardinal na ipagpauktaba paramientras an mga nakatalaang beatification rites hasta sa makatukaw an bagong Santo Papa.
Marumduman na pigtalaan an lubong ni Pope Francis sa Sabado, Abril 26, alas-10 nin pagkaaga.
Antes kaini, ibabalyo paramientras an saiyang lawas sa St. Peter’s Basilica sa Miyerkules, Abril 23, kun saen ini ilalagak tangani tawan-pugay kan mga debotong Katoliko.
Komo parte man kan Novemdiales o siyam na aldaw nin pagluluksa, mapuon an mga banal na misa sa Dominggo, Abril 27.
Mapadagos an mga misa uru-aldaw kada alas-5 nin pagkahapon. Itinalaga man an tulong cardinal tangani magtabang sa pamamayo kan simbahan mantang bakante an puwesto kan Santo Papa. Yaon man sinda Cardinals Pietro Parolin, Stanisław Ryłko, asin Fabio Baggio.
