Aram baya nindo mga ka-bombo, duwang beses na pig-recue an sarong estudyante makalihis na ma-stranded sa Mt. Fuji sa sa laog sana nin sarong semana.
Sigun sa pulisya, nahiling an Chinese university student kan saro pang hiker sa dalisdis kan nasambitan ng bulod labi 3,000 metro above sea level kan nakalihis na Sabado.
Sigun sa tagapagtaram kan Shizuoka region police, kinaipuhan na i-airlift an estudyante asin tolos na idara sa ospital huli sa altitude sickness o exposure sa manipis na oxygen levels asin langkaw kan lugar.
Alagad makalihis sana an apat na aldaw, napag-araman kan mga otoridad na liwat na pig-rescue an nasambitan ng estudyane gikan sa Mt. Fuji huli ta pigbalikan kaini an nawalat na cellphone.
Katakod digde, dae na pigsaysay kan mga otoridad kun nahanap kan lalaki an nawawara kaining cellphone.
Marurumduman, an Mount Fuji an sarong aktibong bulkan asin pinakahalangkaw na tuktok kan Japan. Ini an natatahuban kan niyebe sa haros bilog na taon.
An mga hiking trail an bukas puon kan enot ining iheras kan Hulyo hasta enot na parte kan Setyembre.
Tangani man na malikayan an suruksukan sa Mt. Fuji, nagpatong nin entry fee na nagkakantedad sa 4,000 yen an gobyerno sa mga hiker na masakat saenman sa apat na pangenot na trail kan lugar.
