Kinalampag ni Senadora Risa Hontiveros an Palasyo Malakanyang na sertipikahan komo urgent an prosopwestong dugang na P100 daily minimum wage para sa mga obrerong Pilipino.
An pangapodan ni Hontiveros ki Presidente Ferdinand Marcos Jr an kasabay kan pagselebrar kan Labor Day kasuodma, Mayo 1.
Pigtawan-duon kan Senadora na kinakaipuhan na maipasar an prosopwestong umento kan sahod antes mag-adjourn an 19th Congress.
Pigpaliwanag ni Hontiveros na kun natapos soboot an 19th congress na dae naipapasar an wage hike bill, back to zero o bweltada sa puon an trabaho para digde.
Sa lambang aldaw na mayong umento padagos na naglulubog sa kumunoy kan sakit an mga obrerong Pilipino.
Aminado man an senadora na dae bastante an umentong P100 asin P200 kun ikukumparar sa langkaw kan nga barakalon alagad importanteng lakdang ini pasiring sa sahod na makakabuhay sa pamilya.
