Pinagsisierto ni Senate Committee on Energy Vice Chairman Senador Sherwin Gatchalian sa Department of Energy (DOE) asin Energy Regulatory Commission (ERC) an mayong patid na suplay kan kuryente sa bilog na nasyon sa Mayo 12, aldaw kan eleksiyon.
Sigun ki Gatchalian, an anuman na pagkaantala kan kuryente an pwedeng makompromiso an integridad kan May 2025 National and Local Elections.
Pigtawan-duon kan senador na dapat makipagtabangan an DOE asin ERC sa National Grid Corporation of the Philippines, mga distribution utility, power generation companies, asin mga electric cooperative tanganing masierto na igwang bastanteng suplay kan kuryente sa bilog na nasyon sa aldaw kan botohan.
Dae dapat soboot magkaigwa nin biglaang maintenance an mga planta nin mayo sa schedule, asin kaipuhan nakaantabay an ancillary services tanganing tulos na masimbagan an anuman na biglaan na paglangkaw kan demand sa kuryente.
Sa huri, sinaysay kan senador na kaipuhan an pakikisumaro kan lambang sektor tanganing siertuhon an padagos na suplay kan kuryente sa mga presinto sa aldaw kan eleksiyon komo garantiya kan transparency, seguridad, asin proteksiyon sa demokratikong proseso.
