NAGA CITY – Preparado na an Philippine National Police (PNP)- Bicol, na magtao nin seguridad sa pag-abot asin distribusyon kan mga Vote Counting Machine (VCM) asin iba pang election paraphernalia sa manlaen-laen na polling precincts.
Katakod kaini, bilog na puwersa kan PNP Bicol an naka-deploy tanganing siertohon an seguridad kan mga election materials.
Igwa nin bastate na personnel asin contingency plans tanganing simbagan an anuman na insidenteng posibleng mangyare dapit sa eleksyon.
Marurumduman, antes pa man an aldaw na ini napag-ulayan na an magigin deployment kan mga kapulisan orog na sa mga public of convergence tanganing malikayan an anuman na klase kan kariribukan sa panahon kan eleksyon.
Mahigot man an saindang pigsasagibong check point sa mga lugar entry asin exit points tanganing mamantinir an pay y orden sa bilog na Rehiyong Bikol.
