Pigheras ni Kristel Fulgar sa saiyang latest na vlog an huring pagtinir kaini sa Pilipinas antes an saiyang kasal sa Korea.
An nasambitan kaya na content creator an kasuarin sana nagbweltada sa nasyon para sa saiyang kalakawan sa negosyo asin personal na pagdestrebwer nin wedding invitations antes kan saindang kasal kan fiancé na si Ha Su-hyuk.
Katakod kaini, pigsaysay man ni Kristel na matinir na ini sa Korea makalihis an kasal nin huli ta dipisil para sa sainda an long distance relationship.
Alagad pigsambit man kaini na mabisita pa man giraray ini sa Pilipinas orog na ta yaon digde an saiyang pamilya, negosyo asin haros apat na oras man sana an biyahe.
Mientrastanto, pinasirip man ni Kristel an photoshoot na saindang ginibo ni Su-hyuk sulot an mga eleganteng gowns asin tuxedos.
Sa ngunyan, mixed emotions soboot an namamatean ni Kristel mantang paparani an saiyang kasal.
